با

ئەم بەیانیە قژی ڕەشت کردۆتەوە داوەتەتە با 
پێی بڵێ لێرە بڕوا 
تاڵەکانی قژت وێردی پەنجەکانی من و 
بە با بڵێ جورئەت نەکا بێشەرمانە دەست بۆ تاڵەکانی قژت ببا 
مەگەر خودا، دەنا هەر کەس خەیاڵیش بکا
 ئەبم بە گێژە لووکەیێک و قوتی ئەدەم 
بۆ دوور و دوور و دووری ئەبەم 
هۆ خانمی ژوورە تاریکەکان 
ڕەنگە کەمن کەس نەڕووشێنم 
هێشتا شێت نیم لە شیعرا ئەت دووێنم 
خۆ گەر شیعریش دەستم بەردا 
ڕێگای گەیشتن بەتۆم دا خا بەسەردا 
دڵنیابە کە شێت ئەبم 
هەموو لایێک هەموو شتێک ئەسووتێنم 
لە ئینجانەی مەرەکەبی خوێنا ئەت نوێنم 
ئەبم بەلانکەیێکی خۆ پەرست و ساواش بەدەما ئەخەم 
ئەبم بە ڕووبارێکی توڕە و کەشتیەکەی نوحیش نغرۆ ئەکەم